Дүйнөдөгү эң чоң кесилген кара алмаз сатылды

«Дүйнөдөгү эң чоң кесилген кара алмаз» деп аталган асыл таш 3 миллион 161 миң фунтка (58 миллион 966 миң түрк лирасына) сатылды.

Британиянын Sotheby's аукцион үйү Англиянын борбору Лондондогу филиалында өткөргөн аукциондо мындан 2,6-3,8 миллиард жыл мурда баалуу таштарды камтыган «Энигма» аттуу астероиддин жерге кулашында пайда болгону болжолдонгон кара бриллиант крипто акча менен сатылып алынган.

Сатып алуучунун аты-жөнү айтылган жок.

1990-жылдары мурдагы ээси тарабынан сатылып алынган чийки түрүндө салмагы 800 карат болгон «Энигма» 3 жылдык иштетүүдөн кийин 555,55 караттык акыркы формасын алган.

Жакынкы Чыгыштан шыктанган, пальма формасында кесилген Enigma 3-5 миллион фунттун тегерегинде сатып алуучуларды табат деп күтүлгөн.

Американын асыл таштар институту (GIA) тарабынан «дүйнөдөгү эң чоң табигый түстөгү кара алмаз» катары тизмеленген жана 2006-жылы «дүйнөдөгү эң чоң кесилген алмаз» катары Гиннесстин рекорддор китебине кирген Enigma эң күчтүү алмаздардын арасында.