ДССУ Индия жана Африканы жасалма вакцина боюнча эскертти

Дүйнөлүк Саламаттык Сактоо Уюму (ДССУ) Индияда жана Африкада коронавирустун (Ковид-19) жасалма жаңы түрлөрү табылганын жарыялады.

ДССУ «глобалдык коомдук ден-соолукка олуттуу коркунуч келтирүүчү» вакциналарды базардан алып салуу керектигин эскертти.

ДССУ Индиянын Эмдөө институту тарабынан «Covishield» деген ат менен чыгарылган Oxford-AstraZeneca вакциналарынын жасалмалары бийлик тарабынан июль жана августта табылганын жарыялады.

Индиядан тышкары, Угандада жасалма Covishield вакциналары табылган.

Covishield, Индияда эң кеңири таралган Ковид-19 вакцинасы, ушул күнгө чейин 486 миллиондон ашык доза колдонулган.

Май айында эпидемиянын экинчи толкунун башынан өткөргөн Индия, ички керектөөнү канааттандыруу үчүн вакцинанын экспортун жылдын аягына чейин токтотууну чечкен.

Covishield вакцинасы ушул кезге чейин көптөгөн Азия жана Африка өлкөлөрүнө таркатылган.

Индиянын Эмдөө институту бул боюнча комментарий берген жок.