Чавушоглу каныша II Елизаветанын жаназасына катышат

Тышкы иштер министри Мевлүт Чавушоглу 19-сентябрь дүйшөмбү күнү (эртең) боло турган королева II Елизаветанын жаназасы үчүн Улуу Британиянын борбор шаары Лондонго барды.

Министр Чавушоглу социалдык медиа эсебинен бөлүшүүсүндө: «Биз Лондондо каныша IIчи Елизаветанын  жаназасына катышуу үчүн келдик»,-деп берди.

Англиянын канышасы IIчи Елизавета жайкы эс алуусун өткөргөн Шотландиянын Абердиншир шаарындагы Балморал сепилинде 8-сентябрда каза болду.

Королеваны акыркы сапарга узатуу зыйнаты эртең Лондондогу Вестминстер Эбби чиркөөсүндө болот.

Бул жердеги расмий аземден кийин канышанын сөөгү Британия королдук үй-бүлөсүнүн туруктуу резиденцияларынын бири болгон Виндзор сепилине жеткирилип, Сент-Георгий капеласына коюлат.