Ирандан Түркия жана Азербайжан тууралуу билдирүү жарыяланды
Хатибзаде борбор шаар Тегеранда Тышкы иштер министрлигинин имаратында өткөрүлгөн жумалык маалымат жыйынында журналисттердин күн тартибине байланыштуу суроолоруна жооп берди.
![Ирандан Түркия жана Азербайжан тууралуу билдирүү жарыяланды](http://cdn.trt.net.tr/images/xlarge/rectangle/d63e/e581/d404/600eb42d592b8.jpg?time=1718749827)
Ирандын Тышкы иштер министрлигинин басма сөз катчысы Саид Хатибзаде Түркия менен Ирандын ортосундагы карым-катнаштардын бардык тармактарда жакшырганын билдирди.
Хатибзаде борбор шаар Тегеранда Тышкы иштер министрлигинин имаратында өткөрүлгөн жумалык маалымат жыйынында журналисттердин күн тартибине байланыштуу суроолоруна жооп берди.
Анкара менен Тегерандын карым-катнаштарынын саясий, социалдык, экономикалык жана коопсуздук тармактарында жылыш болгонун белгилеген Хатибзаде: «Түркия менен Ирандын ортосундагы кызматташтык потенциалы сезилгенден да жогору. Акыркы жылдарда жакын мамиледе болдук жана ишке ашырыла турган көптөгөн долбоорлор бар. Жакынкы келечекте Түркия менен жогорку деңгээлдеги дипломатиялык сапарлар болот»,-деп айтты.
Акыркы 30 жылда Азербайжандын (Армения тарабынан) оккупацияланышына каршы туруп, Азербайжандын аймактык бүтүндүгүн жана эгемендигин коргогондорун дагы бир жолу кайталаган Ирандын басма сөз катчысы:«Биз азербайжандын администрациясын жана элин бошотулган аймактар үчүн куттуктадык жана анын бир жылдык мааракесин куттуктайбыз»,-деди.
Тегеран менен Бакунун карым-катнаштарды өнүктүрүүнү жактаганын жана тышкы иштер министрлери үзгүлтүксүз сүйлөшүп жатышканын белгилеген Хатибзаде: «Мамилелердин жакшырышын жана басма сөз аркылуу болгон түшүнбөстүктөр кайталанбайт деп ишенем», - деп айтты.