Улуттук коргоо министри Хулуси Акардын Пакистан сапары
Улуттук коргоо министри Хулуси Акар Пакистандын башкы штаб төрагалыгы менен Пакистандын коргоо министрлигине барды.
Пакистандын премьер - министри Имран Хан президент Р. Т. Эрдогандын жол башчылыгында Түркия басып өткөн социо - экономикалык алдыга жылууга суктангандыгын айтты.
Улуттук коргоо министри Хулуси Акар Пакистандын башкы штаб төрагалыгы менен Пакистандын коргоо министрлигине барды.
Коргоо министри Первез Хаттаки менен жолугушкан министр Акар андан кийин премьер - министрликке барды. Пакистан гезити The Nationдун кабарына караганда премьер - министр Хан Хулуси Акарды кабыл алууда Пакистан - Түркия карым - катнаштарына байланыштуу маалымат берди. Хан өлкөсүнүн Түркия менен карым - катнаштарына чоң маани бергендигин баса белгилеп : «Түркиянын президенти Р. Т. Эрдогандын жол башчылыгындагы Түркия басып өткөн социо - экономикалык алдыга жылууга даярбыз»,- деди.
Пакистан калкынын президент Эрдоганга урмат - сый көрсөткөндүгүн белгилеген Хан эки өлкөнүн ортосундагы карым - катнаштардын кеңейүүсүнөн ыраазы экендигин билдирди. премьер - министр Хан Түркия менен соода жана коргонуу кызматташтыгы сыяктуу биргелешкен кызыкчылыктарга байланыштуу ар тармакта кызматташтыкты арттырууну каалашкандарын баса белгиледи. Акар да премьер - министрлик кызматына келген Ханды куттуктап президент Эрдогандын саламын айтты.
Акар пакистандык лидердин Түркияга келишин күтүп жатышкандарын белгилеп, Хандын сапарынын эки өлкөнүн ортосундагы карым - катнаштарды ылдамдатарын айтты. Акар өзгөчө Пакистандын террор менен күрөшүүдө көрсөткөн мамилесин да колдоого алды.
Хан менен Акар жолугушуусунда аймактык темалар да каралды. Акар андан кийин президент Ариф Алви менен кызмат орундугунда жолугушту. Жолугушууларга Түркиянын Исламабаддагы элчиси Ихсан Мустафа Юрдакул да катышты.
