Түркиядан Белоруска биринчи премьер - министрлик деңгээлде сапар ишке ашырылат

Премьер  - министр Бинали Йылдырым эртең Белоруска эки күндүк сапар менен барат. Йылдырым Белорус сапарынын негизинде өлкөнүн премьер  - министри Андрей Кобяков менен жекеме  - жеке жана делегациялар аралык сүйлөшүүлөрдү өткөрөт жана Белорусиянын президенти Александр Лукашенко кабыл алат.

Премьер  - министр Йылдырым өзгөчө Республикалык Кеңешинин төрагасы Михаил Мясникович жана өкүлдөр парламентинин төрагасы Владимир Андрейченко менен жолугушат. Йылдырымдын Белорус сапары Минскке жасалган биринчи сапар болот.

Эки тараптуу карым – катнаштар менен аймактык жана эл аралык маселелер карала турган сапарда эки өлкөнүн ортосунда бир топ келишимге да кол коюлары күтүлүүдө. Белорустун көз карандысыздыгын таныган биринчи өлкө катары Түркия 1992 -  жылы 25 -  мартта бул өлкөлөр менен курган дипломатиялык карым  - катнаштарга маани берүүдө.

Түркия менен Белорустун ортосундагы эки тараптуу байланыш жана сапарларда акыркы мезгилде артуу болгондугу белгиленди. түркиядан Белоруска жогорку деңгээлде алгачкы расмий сапар 2016 – жылы 11 -  ноябрда президент Р. Т. Эрдоган тарабынан ишке ашырылган. Президент Эрдогандын борбор шаар Минсктеги жолугушууларынын негизинде эки өлкөнүн ортосунда 9 документке кол коюлган.