Түркия - Өзбекстан карым - катнаштарына 25 жыл
Ташкенттеги Түркия элчилиги азем өткөрдү
![Түркия - Өзбекстан карым - катнаштарына 25 жыл](http://cdn.trt.net.tr/images/xlarge/rectangle/133d/3bc4/dea2/58cb6adca4404.jpg?time=1718763300)
Түркия менен Өзбекстандын ортосундагы дипломатиялык карым – катнаштардын курулушунун 25 -жылы Ташкенттеги Түркия элчилигинде өткөрүлгөн азем менен белгиленди.
Түркиянын Ташкенттеги элчиси Ахмет Башар Шен тарабынан уюштурулган аземге Өзбекстандын премьер – министри Абдулла Арипов жана өзбек жетекчилер катышты.
Түркия жана Өзбекстан гимндеринин аткарылышы менен башталган аземде сөзүн өзбекче сүйлөгөн элчи Шен Түркиянын Өзбекстандын көз карандысыздыгын тааныган биринчи өлкө экендигин белгиледи.
Шен : «Өзбек калкынын көз карандысыздыгына ээ болушу менен биз түрктөр ата мекен катары көргөн бул жерлерде бир тууган калктын желегинин кайрадан бийиктеши менен тарыхый барак жабылып, жарык бир мезгил башталды»,- деди.
Өзбекстандын премьер – министри Абдулла Арипов да аземде сүйлөгөн сөзүндө Өзбекстандын президенти Шавкат Мирзиёевдин атынан Өзбекстан-Түркия ортосундагы дипломатиялык карым – катнаштардын 25 -жылы менен куттуктады.
Арипов Түркиянын Өзбекстандын көз карандысыздыгын 1991 -жылы тааныгандыгын, 1922 -жылы март айында дипломатиялык карым – катнаштардын курулушуна байланыштуу токтомго кол коюлгандыгын эске салды.
Аземге өзбекстандык жетекчилер, Ташкентте кызмат кылган чет элдик дипломатиялык миссиянын өкүлдөрү менен көп сандаган конок катышып, конокторго түрк ашканасынан даамдар тартууланды.