Ислам маселелери ынтымак жана биримдүүлүк менен чечилет
Президент Эрдоган парламент төрагаларынын урматына берген сый тамакта сөз сүйлөдү.
Президент Режеп Тайип Эрдоган террордук уюмдар менен жалгыз гана эл аралык кызматташууну арттырып ийгиликтүү күрөшүүгө болоорун айтты.
Эрдоган Президенттиктин комплексинде Ислам кызматташтык уюмунун парламенттик биримдигинин 36-Аткаруу комитетинин жыйынына катышкан парламент төрагаларынын урматына берген сый тамакта сөз сүйлөдү.
Ислам маселелеринин ынтымак жана биримдүүлүк менен чечилээрин айткан Эрдоган: «Дагы да көп иштеп, жемкорлукка каршы сергек болуп, жыйындарыбыздагыдай кеңешүү пайдубалын күчтөндүрүп, бардык темада чогуу болушубуз керек»,-деди.
Президент Африкадан Жакынкы Чыгышка чейин, Азиядан Америкага чейин мусулмандардын түрдүү маселелер жана сыноолор менен бетме-бет келгендигин, 6 жылдан бери бүткүл дүйнөнүн көз алдында сириялыктардын баррель жана кластердик бомба, химиялык курулдар колдонулган кол салууларга дуушар болуп жаткандарын сөз кылып, Ирак менен Йемен аркылуу да шиит-суннит кагылышуусун баштатууга аракет кылынып жатканын белгиледи.
