Азербайжандан Францияга айыптоо

Азербайжан Франциянын Арменияга курал жөнөтүүсүн айыптады.

Азербайжандын Тышкы иштер министрлигинин басма сөз катчысы Айхан Хажызаде, Франциянын Арменияга курал жөнөтүшүнө байланыштуу жазуу түрүндөгү билдирүүсүндө: «Армения менен Франция аймактагы куралдануу саясатын токтотушу зарыл жана бул өлкөлөр азыр аймакта тынчтык жана кызматташтыктан башка альтернатива жок экенин түшүнүшү керек»,- деп айтты.

Хажызаде: «Биз Франциянын Арменияга чабуул коюуга жөндөмдүү «Бастион» БТРди жиберүүсүн айыптайбыз»,-деди.

Франциянын бул кадамынын аймактагы абалды курчута турганын белгилеген Хажызаде: «Армения менен Франция аймактагы куралдануу саясатын токтотушу керек. Бул өлкөлөр эми аймакта тынчтык жана кызматташтыктан башка альтернатива жок экенин түшүнүшү зарыл»,- деди.

Хажызаде эл аралык коомчулукту Арменияны куралдандыруудан баш тартууга, мындай мыйзамсыз аракеттерди токтотууга жана айыптоого чакырды.

Октябрда Франция менен Армениянын ортосунда курал сатуу жана аскердик жардам көрсөтүү боюнча келишимге кол коюлган.

Бастион бронетранспортерлорунун Арменияга жөнөтүлгөн көрүнүштөрү социалдык медиа сайттарында бөлүшүлгөн.