Түркия 18-жолу Кышкы Олимпиада оюндарында...

Кышкы Олимпиадага мурда 17 жолу катышкан Түркия уюмдун тарыхында ушул убакка чейин 98 спортчу менен катышкан.

Түрк спортчулары буга чейин кышкы оюндарда медаль кубанычын сезе алышкан жок.

2022-жылы Пекинде Кышкы Олимпиада оюндары 4-20-февраль күндөрү өтөт.

1936-жылы Германиянын Гармиш-Партенкирхен шаарындагы мелдешке биринчи жолу катышуу менен кышкы оюндарына катышуу авантюрасын баштаган түрк спортчулары Пекиндеги мелдештер менен катары менен 11-кышкы Олимпиадага да катышат.

Буга чейин 17 жолу оюндарга катышуу мүмкүнчүлүгүнө ээ болгон Түркия 1924, 1928, 1932, 1952, 1972 жана 1980-жылдары Олимпиадага катышкан эмес.

Уюмдун тарыхында Түркиянын эң көп спортчу менен катышкан олимпиадалары 1936-жылы Гармиш-Партенкирхен (Германия) жана 1968-жылы Гренобль (Франция) болгон. Ал жылдарда 10дон оюнчу катышкан.

2022-жылы Пекинде ат салыша турган 7 түрк спортчунун үчөө Кышкы Олимпиада оюндарында экинчи жолу чыгат.

2018-жылы Түштүк Кореянын Пхеньян шаарында өткөрүлгөн мелдештерде Фатих Арда Ипчиоглу, Өзлем Чарыкжыоглу жана Айшенур Думан да ат салышкан.

Улуттук спортчулар Беркин Уста, Өзлем Жерен Дурсун, Юсуф Эмре Фырат жана Фуркан Акар биринчи жолу кышкы Олимпиадага катышат.

2022-жылы Пекинде өтүүчү Кышкы Олимпиада оюндарында шорт-трек боюнча жарышка чыга турган Фуркан Акар бул тармактагы оюндарда Түркияны биринчилерден болуп өкүлдүк кылган спортчу болот.

Нидерландияда өткөрүлгөн Шорт-трек боюнча дүйнөлүк кубокто алгачкы 17ге кирген жана 1000 метрде олимпиадага жолдомосун алган Фуркан өз тармагында буга жетишкен алгачкы түрк спортчусу катары тарыхта калды.

Лыжа менен секирүү боюнча мелдешке чыккан улуттук атлет Фатих Арда Ипчиоглу Олимпиада алдында катышкан 13 Дүйнөлүк кубок уюмдарында 9 жолу финалга чыгууну камсыздаган.

«Учкан түрк» деген ат менен таанылган Фатих Арда Төрт адыр турниринин финалында өз изин калтырган алгачкы түрк спортчу катары күүлүү-күчтүү Пекинге барды.