Түркиянын курамасынын «Н» тайпасындагы биринчи жеңилүүсү

Европа Футбол чемпионаты 2020нын тандоо оюндарынын «Н» тайпасындагы төртүнчү беттешүүдө Түркиянын «А» улуттук курама футбол командасы атаандаш талаасында Исландияга 2-1 эсебинде утулду жана 2019-жылдагы алгачкы жеңилүүсү болду.

Лаугардалсвөллур стадионунда ойнолгон оюнга тайпада ээ болгон 3 жеңиши менен курама команда алдыда баштады.

21-мүнөттө Рагнар Сигурдссон Исландиянын биринчи голун киргизди.

Көп өтпөй үй кожоюну Исландиянын футболчусу Рагнар Сигурдссон, баш менен өзүнүн жана командасынын экинчи голун киргизди; эсеп 2-0 болду.

«А» улуттук курама команда 40-мүнөттө Дорукхан Токөздүн баш менен киргизген голу менен оюнду 2-1 эсебине түшүрдү.

Оюндун экинчи жарымында үстөмдүгүн көрсөткөн Түркиянын «А» улуттук курама командасы бир канча гол позициясына ээ болсо дагы андан пайдалана алган жок.

Оюн 2-1  бойдон бүттү, 9 баллы менен калган Түркиянын «А» улуттук курама футбол командасы тайпадагы алдыңкы орунду Францияга алдырып койду.

Исландия болсо 9 балл менен үчүнчү орунду алды.