Түркия Ислам тилектештик оюндарында биринчи орунда келе жатат

Түркия 4-Ислам тилектештик оюндарында 115 медаль менен биринчи орунда келе жатат.

Ислам тилектештик оюндарынын төртүнчү күнүнүн аягында Түркия 43 алтын, 40 күмүш жана 32 коло болуп жалпы 115 медаль менен биринчи орунда.

Азербайжандын борбор шаары Бакуда өтүп жаткан төртүнчү күндөгү финалдардын аягында 115 медаль менен биринчи орунду ээлеген түрк спортчуларынан кийин Азербайжан 41 алтын, 24 күмүш жана 16 коло болуп жалпы 81 медаль менен экинчи орунда турат.

Президент Режеп Тайип Эрдоган 4-Ислам тилектештик оюндарында алтын медалга ээ болгон спортчуларды куттуктады.