Түркия маданият жолу фестивалы 16 шаарда өткөрүлөт
Маданият жана туризм министри Мехмет Нури Эрсой, 8 айга созула турган Түркия маданият жолу фестивалынын чоо-жайын Стамбулда билдирди.
Түркия маданият жолу фестивалы быйыл 16 шаарда өткөрүлөт.
Маданият жана туризм министри Мехмет Нури Эрсой, 8 айга созула турган Түркия маданият жолу фестивалынын чоо-жайын Стамбулда билдирди.
Фестивалдын дүйнөдө теңдеши жок экенин белгилеген министр Эрсой: «Түркияга фестиваль климатын жаратабыз»,-деди.
Чоң иш-чарага рекорддук сандагы өнөрпоздордун катыша турганын маалымдаган Эрсой: «2023-жылы фестивалга катышкан өнөрпоздордун саны 34 миңге жеткен. Быйылкы максатыбыз 40 миң өнөрпоз»,-деп айтты.
Министр Эрсой: «Быйыл Түркия маданият жолу фестивалын 13-21-апрель күндөрү Аданада апельсин гүлү карнавалы менен бирге баштайбыз. Бул уникалдуу маданият-искусство марафонун 2-10-ноябрь аралыгында Антальяда жыйынтыктайбыз», - деди.
Быйылкы жылы фестивалдын эң маанилүү элементтеринин биринин Пабло Пикассо болоорун билдирген маданият жана туризм министри: «Башкы коногубуз катары Пикассонун 80ден ашык оригиналдуу эмгектерин камтыган таасирдүү көргөзмөсүн уюштурабыз жана 3 ай бою ар кайсы шаарлардагы искусство чеберлери менен бирге уникалдуу тажрыйба тартуулайбыз»,-деп айтты.
Мындан тышкары көптөгөн дүйнөгө таанымал ысымдардын эмгектери фестивалга көрк кошот.
Быйыл 600дөн ашуун жерде 6 миңден ашык иш-чара өткөрүлөт.
Мамлекеттик опера жана балет театрында атактуу Анадолу легендасын опера менен жандандырган «Шахмеран» да биринчи жолу көрсөтүлөт.
Тектеш кабарлар
Канн кинофестивалында түрк киносу таанытылууда
Франциянын Канн шаарында кечээ башталган 77-Канн кинофестивалы 25-майга чейин уланат.