Түрк илимпозуна Германиядан сыйлык

Түркиялык илимпоз профессор доктор Фатих Өмер Илдай лазердик технологиянын өнүгүшүнө кошкон салымы үчүн Германияда «Александр фон Гумбольдт профессорлугу» сыйлыгын алды.

Гумбольдт фонду кечээ борбор калаа Берлинде сыйлык тапшыруу аземин өткөрдү.

Аземде 12 изилдөөчүгө "Александр фон Гумбольдттун профессорлугу" сыйлыгы ыйгарылды.

Сыйлык алган изилдөөчүлөрдүн арасында түрк илимпозу проф. др. Фатих Өмер Илдай да орун алды.

Александр фон Гумбольдт фондунун профессорлугуна ээ болгон Илдай сыйлыкты Германиянын билим берүү жана изилдөө министри Беттина Старк Ватцингерден алды.

Министр Ватцингер бул жерде сүйлөгөн сөзүндө проф. др. Илдайдын лазердик эмгегин мактап: «Физиктер биринчи жолу лазердин жардамы менен башка бир шардын ичине кыпчылып калган дагы бир шарды сырттагы шарга зыян келтирбестен жардырышкан экен. Бул таасирдүү жетишкендик. Буга эч кандай шек жок. Лазердик технология шарлар менен эле чектелбестен, сиз сыяктуу мүмкүн болгон нерселердин чегин тынымсыз түртүп жаткан адамдар бар экени эң сонун. Алар эртеңки чечимдер үчүн кызыгуу жана кайраттуулук, амбиция жана чечкиндүүлүк менен күрөшүп жатышат»,-деп айтты.

Билкент университетинин электр-электрондук инженерия бөлүмү проф. Илдай материал таануу боюнча жаңы изилдөө багыттарын иликтөө жана дүйнөлүк деңгээлдеги изилдөө борборун түзүү үчүн Бохум Рур университетине чакырылды.