Германиядагы жарманкеде Түркия таанытылат
6-мартта ачыла турган туристтик жарманке 10-мартка чейин уланат.
![Германиядагы жарманкеде Түркия таанытылат](http://cdn.trt.net.tr/images/xlarge/rectangle/c4dd/a685/f056/5c7e3296aa56f.jpg?time=1718797007)
Дүйнөдөгү эң ири жана эң маанилүү туристтик жарманкелердин бири болгон Германиядагы Берлин эл аралык туризм биржасы жарманкесине Түркия калың топ менен катышып, ыңгайлуу эс алуу мүмкүнчүлүктөрүн, маданий жана тарыхый баалуулуктарын тааныштырат.
Түрк туризмчилеринин жарманкедеги иш аракеттери Түркиянын «2019-жылы 50 миллион турист» максатына чоң салым кошоору күтүлүп жатат.
Дүйнөдөгү эң престиждүү жарманкелердин арасында турган Берлин эл аралык туризм биржасы жарманкеси 6-мартта 53-жолу каалгаларын ачат. Түрк туризмчилер жарманкеде Маданият жана туризм министрлиги тарабынан ижарага алынган 2 миң чарчы метрдик аянтта өз ордун алат. Туризмчилер Түркиянын эң маанилүү рынокторунун бири болгон Германиянын туризм рыногуна жана берки өлкөлөрдөн келе турган конокторго Түркия тууралуу маалымат беришет.
2019-жылга карата божомолдоолордо Түркияга Германиядан келе турган туристтердин санында өсүү күтүлсө, туризмчилердин жарманкедеги иш аракеттеринин Түркиянын 2019-жылдагы 50 миллион турист максатына салым кошоору көздөлүп жатат.
Греция, Италия, Испания сыяктуу өлкөлөргө салыштырмалуу арзан баада эс алуу мүмкүнчүлүгүн тартуулаган Түркиянын маданий жана тарыхый баалууктары туристтерди өзүнө тартууда.
6-мартта ачыла турган жарманке 10-мартка чейин уланат.
Тектеш кабарлар
![Грецияда Кападокия таанытылды](http://cdn.trt.net.tr/images/medium/rectangle/1333/820e/6183/666a90f706c75.jpg?time=1718797007)
Грецияда Кападокия таанытылды
Иш чарага Грециянын туризм агенттиктери жана басма сөз өкүлдөрү катышты.
![Бодрумда суу астындагы парк ачылды](http://cdn.trt.net.tr/images/medium/rectangle/fd4a/b595/ae6d/6669ac2dabb12.jpg?time=1718797007)
Бодрумда суу астындагы парк ачылды
BEAP суу астындагы парктын 1-этап ачылышы Битез жээгиндеги Гөрежек аралында өткөрүлдү.