Дүйнөдөгү эң бийик айнек көпүрө жабылды

Кытайда айнектен жасалган дүйнөнүн эң бийик жана эң узун көпүрөсү, ачылгандан 13 күн өткөндөн кийин жабылды.

Жооптуу кызматкерлер аймакта шашылыш оңдоо иштери жүргүзүлө турганын айтып, бирок көпүрөнүн качан ачылаары жөнүндө маалымат беришкен жок.

Хунань провинциясында "Аватар" киносу тартылган Аватар тоолорундагы эки тоонун боорун бириктирип турган көпүрөгө 3,4 миллион доллар сарпталган эле.

Кытайлык жооптуу кызматкерлер, көпүрөнүү көрүү үчүн күнүгө сегиз миң кишиге уруксат берилээрин билдирген болчу.