Стамбулда «Жоогазын килеми»

Дүйнөдөгү эң ири жандуу «Жоогазын килеми» Стамбулдун Султанахмет аянтында эл назарына коюлду.

11-Жоогазын фестивалынын алкагында 563 миң жандуу жоогазын гүлүнөн турган 1 миң 728 метр квадраттык аянтта жасалган жоогазын килеми кыдыруучуларга 30-апрелге чейин ачык болот.

Стамбул мэриясынын шаардык кеңешинин төрага милдетин аткаруучу Ахмет Билал Кыймаз, 2005-жылы башталган «Жоогазын үйүнө кайтууда» аттуу акциянын негизинде көчөттөрү көчүрүлгөн жоогазындар кайрадан Стамбулдун бардык жеринде гүлдөй баштаганын жана шаардын көрүнүшүнө көрк кошконун айтты.