Евробиримдиктин Орусиядан LNG импорту өткөн жылы өстү
Ушул жылдын январь айында Евробиримдик Орусиядан 1,5 миллиард куб метр LNG импорттоду.
Европа Биримдигинин (ЕБ) Орусиядан суюлтулган жаратылыш газын импорттоосу 2022-жылы акыркы үч жылдын эң жогорку чегине жетти.
Bruegel аналитикалык борборунун маалыматына ылайык, Евробиримдиктин Орусиядан LNG импорту 2020-жылы 14,67 миллиард метр куб, 2021-жылы 14,22 миллиард метр кубду түзгөн.
Орусия 2022-жылдын 24-февралында Украинада баштаган согуштан кийин Батыш өлкөлөрүнүн Орусияга болгон энергетикалык көз карандылыгын жоюу үчүн таштаган кадамдары жаратылыш газынын көмүр, мунай жана түтүк жолдору менен соодасына таасирин тийгизсе да LNG импортун кыйгап өттү.
Согуштун биринчи жылында Евробиримдиктин Орусиядан куур аркылуу жаратылыш газ импорту 80 пайызга азайганы менен LNG импорту акыркы үч жылдын эң жогорку чегине жетти.
Евробиримдик өткөн жылы Орусиядан 19,2 миллиард куб метр LNG импорттогон. Бул көрсөткүч 2020-жылдагы LNG импортунан 31 пайызга жана 2021-жылдагы көлөмдөн 35 пайызга жогору.
Ушул жылдын январь айында Евробиримдик Орусиядан 1,5 миллиард куб метр LNG импорттоду.
Тектеш кабарлар
Түркиянын косметика экспортунда өсүү
Түркиянын косметика тармагынын былтыркы экспорту 1 миллиард доллардан ашты.
Бодрумга эки круиздик кеме менен 539 жүргүнчү келди
Кеме кечинде райондон чыгып, Айдындын Кушадасы портуна барат.
