Өнөр жай секторунун 9 айлык экспорту 140 миллиард долларды түздү

Түрк өнөр жай сектору 139,3 миллиард доллар менен январь-сентябрь айларынын эң жогорку экспортун ишке ашырды.

Тогуз айда сектордун экспорту өткөн жылдын тийиштүү мезгилине салыштырмалуу 14,2 пайызга өссө, өнөр жай экспортунун экспорттогу үлүшү 82,5 пайызды түздү.

Өнөр жай экспортунда рекорд койгон секторлор Германиядан эң көп суроо-талапты алды.

Жылдын тогуз айында булгаары жана булгаары буюмдары 126,4 миллион долларлык, кийим-кече жана конфекция 2,8 миллиард доллар, машиналар жана тетиктери 747,4 миллион доллар, кара жана түстүү металлдар 1,6 миллиард доллар, абаны кондиционерлөө өнөр жайы 525,2 миллион долларлык экспортту ишке ашырган.

Италияга 781,2 миллион долларга текстиль жана сырьё, 6,9 миллион долларга башка өнөр жай продукциялары сатылды.

Химия жана анын продуктылары Нидерландияга 1,8 миллиард доллар, электр энергиясы жана электроника Улуу Британияга 1,2 миллиард доллар, болот өнөр жайы Израилге 1,2 миллиард доллар, цемент, айнек, керамика жана чопо буюмдары АКШга 749,5 миллион доллар, зергерчилик өнөр жайы Бириккен Араб Эмирликтерине 773,3 миллион доллардык экспорт жасаган.