Түркиянын дан жана буурчак экспорту

Түркияда дан, буурчак жана жаңгак сыяктуу майлуу азыктар секторунун экспорту жылдын 11 айлык мезгилинде 8 миллиард 215 миллион 42 миң долларга жетти.

Түштүк-Чыгыш Анадолу экспортчулар бирикмесинин маалыматына караганда, түшүмдүү жерлерге ээ болгон Түркия январь-ноябрь айларында 214 өлкөгө 9,7 миллион тонна дан, буурчак жана майлуу азыктарды жөнөттү.

Сектордун экспорту өткөн жылдын тийиштүү мезгилине салыштырмалуу 25,9 пайызга өсүп, 8 миллиард доллардан ашты.

Сапаты жана даамы жагынан дүйнөдөгү камсыздоо чынжырларынан суроо-талапка ээ болгон түрк айыл чарба продукциялары эң көп 3 миллиард 234 миллион 885 миң доллар менен Жакынкы Чыгыш өлкөлөрүнө жеткирилди.

Жакынкы Чыгыш өлкөлөрүнөн кийин 1 миллиард 927 миллион 305 миң доллар менен Африка өлкөлөрү жана 860 миллион 740 миң доллар менен Европа өлкөлөрү ээледи.

Өлкө боюнча эң көп киреше 1 миллиард 453 миллион 964 миң доллар менен Ирактан алынды.

Бул өлкөдөн кийин 507 миллион 18 миң доллар менен Сирия жана 473 миллион 469 миң доллар менен Америка Кошмо Штаттары турат.