Түркиянын алтын өндүрүшүндө рекорд
Энергетика жана табигый ресурстар министри Фатих Дөнмез, Алтын өндүрүүчүлөр ассоциациясынын өкүлдөрүн кабыл алды.
![Түркиянын алтын өндүрүшүндө рекорд](http://cdn.trt.net.tr/images/xlarge/rectangle/03ab/773a/ccea/5bdbf239eb0cc.jpg?time=1718869804)
Түркияда алтындын өндүрүшү 2020-жылдын аягында (Түркия Республикасы түзүлгөн 1923-жылдан бери) рекорд коюп 42 тоннага жетти.
Энергетика жана табигый ресурстар министри Фатих Дөнмез, Алтын өндүрүүчүлөр ассоциациясынын өкүлдөрүн кабыл алуусунда сүйлөгөн сөзүндө энергетика жана тоо-кен тармагы боюнча өткөн жылдын ийгиликтүү аяктагандыгын билдирди.
Түркияда алтындын өндүрүшү 2001-жылы 1,4 тонна менен башталганын айткан Дөнмез, 20 жыл ичинде жалпысынан 382 тонна алтын өндүрүлгөндүгүн маалымдады.
Түркияда ички жана чет өлкөлүк 18 алтын кенинин өндүрүшү уланып жаткандыгын белгилеген Дөнмез: «20 жаңы алтын кени долбоору да инвестиция үчүн күн санап жатат. Буюрса бул долбоорлордун да ишке кириши менен алтын өндүрүшүбүздү 100 тоннага жеткиребиз»,-деди.
Дөнмез 2020-жылдын башында 40-45 тоннага чейин алтын өндүрүлүшү максат кылынгандыгын белгилеп: «Алтын өндүрүшүбүз коронавирус (Ковид-19) пандемиясына карабастан жылдын аягында республиканын тарыхындагы рекордду жаңылап 42 тоннага жетти. Ушундайча экономикабызга 2,4 миллиард доллар салым коштук»,-деди.
Тектеш кабарлар
![Түркиянын косметика экспортунда өсүү](http://cdn.trt.net.tr/images/medium/rectangle/aead/90ba/6268/667298499fbb9.jpg?time=1718869804)
Түркиянын косметика экспортунда өсүү
Түркиянын косметика тармагынын былтыркы экспорту 1 миллиард доллардан ашты.
![Бодрумга эки круиздик кеме менен 539 жүргүнчү келди](http://cdn.trt.net.tr/images/medium/rectangle/e6ba/590e/d2a2/66715dd0cba44.jpg?time=1718869804)
Бодрумга эки круиздик кеме менен 539 жүргүнчү келди
Кеме кечинде райондон чыгып, Айдындын Кушадасы портуна барат.