Нидерландияга экономикалык санкция да киргизилет
Бүлент Түфенкчи Нидерландияга карай экономикалык санкциялардын да күн тартипке келе турганын айтты.
![Нидерландияга экономикалык санкция да киргизилет](http://cdn.trt.net.tr/images/xlarge/rectangle/c79a/1da6/1d92/58c7e26371e2b.jpg?time=1718934206)
Бажы жана соода министри Бүлент Түфенкчи Нидерландияга карай экономикалык санкциялардын да күн тартипке келе турганын айтты.
Бир жыйналышка катышуу үчүн Ванга барган Бүлент Түфенкчи, журналисттердин суроолоруна жооп берди.
Түфенкчи, Нидерландияга карай санкциялар тууралуу суроо боюнча, «Укуктук жана саясий санкциялардан сырткары алдыдагы мезгилде экономикалык санкциялар да күн тартипке кеилиши мүмкүн. Учурда жалгыз саясий жана укуктук санкцияларды ишке ашырып жатабыз»,-деп айтты.
Нидерландия башкаруучулугу ишемби күнү тышкы иштер министри Мевлүт Чавуоглунун учагына конуу уруксатын бербей койгон, үй-бүлө жана социалдык саясаттар министри Фатма Бетүл Саян Каяны болсо Түркиянын Роттердамдагы Башкы консулдугуна киргизбей койгон.
Экономика министрлигинин көрсөткүчтөрүнө караганда 2016-жылы Нидерландия менен Түркиянын ортосундагы соода көлөмү 6 миллиард 604 миллион долларга жетти.
Түркия Нидерландияга 3 миллиард 589 миллион доллардык экспорт жасаса, бул өлкөдөн 3 миллиард доллардык товар импорттогон.
Түркияда 2711 Нидерландия капиталдуу фирма, Нидерландияда болсо 23 миң түрк ишкер ишин жүргүзүүдө. Түрк фирмаларынын 2015-жылдагы сатуусу 9 миллиард доллар болгон.
Тектеш кабарлар
![Түркиянын косметика экспортунда өсүү](http://cdn.trt.net.tr/images/medium/rectangle/aead/90ba/6268/667298499fbb9.jpg?time=1718934206)
Түркиянын косметика экспортунда өсүү
Түркиянын косметика тармагынын былтыркы экспорту 1 миллиард доллардан ашты.
![Бодрумга эки круиздик кеме менен 539 жүргүнчү келди](http://cdn.trt.net.tr/images/medium/rectangle/e6ba/590e/d2a2/66715dd0cba44.jpg?time=1718934206)
Бодрумга эки круиздик кеме менен 539 жүргүнчү келди
Кеме кечинде райондон чыгып, Айдындын Кушадасы портуна барат.