Сьерра-Леонедеги аскердик казармага кол салуу: 19 киши каза болду
Кол салууда 8 кишинин да жараланганы кабарланды.
Сьерра-Леонеде мурдагы күнү кечинде аскердик казармага белгисиз адамдардын кол салуусунан 19 киши каза болду.
Аскердик басма сөз катчы Исса Бангура, өлкөнүн борбор шаары Фритаундагы Вилберфорс аскердик казармасындагы курал-жарак кампасына кол салууда арасында 13 аскер жана бир полиция кызматкери да болгон 19 кишинин каза тапканын, 8 кишинин жараланганын кабарлады.
Кол салууга байланыштуу 3 шектүүнүн кармалганын белгилеген Бангура: «Кол салууга катышкандардын баарын кармоо үчүн операцияларды баштадык»,-деди.
26-ноябрга караган түнү Фритаундагы Вилберфорс аскердик казармасындагы курал кампасына белгисиз бирөөлөр тарабынан жасалган кол салууда аймактагы түрмөдөн көптөгөн туткундар качкан. Кол салуудан улам өлкө боюнча жарым-жартылай коменданттык саат жарыяланган.
Сьерра-Леондун президенти Юлиус Маада Био элге кайрылуусунда, өлкөдө кайрадан тынчтыктын орногонун жана кол салуунун корбашчыларынын көбүнүн кармалганын билдирген.
