Ирандан Сауд Арабияга жогорку деңгээлдеги сапар
Абдуллахиандын сапарында Иран менен Сауд Арабиянын эки тараптуу карым-катнаштары, аймактык жана глобалдык маселелер талкууланат.
Ирандын тышкы иштер министри Хусейн Эмир Абдуллахиян, Тегеран менен Эр-Рияддын ортосундагы карым-катнаштардын кайрадан калыбына келтиришинен кийин биринчи жолу Сауд Арабияга барды.
Ирандын расмий кабар агенттиги ИРНАнын маалыматына караганда, Абдуллахиян аны коштогон жогорку даражалуу делегация менен Сауд Арабиянын борбор шаары Эр-Риядга баруу үчүн Тегерандан жөнөп кетти.
7 жылдан кийин Тегеран менен Эр-Рияддын ортосундагы карым-катнаштардын кайрадан калыбына келишинен кийин биринчи жолу Сауд Арабияга барган Ирандын тышкы иштер министри Абдуллахиандын бир күндүк иш сапарынын алкагында Сауд Арабиянын жогорку даражалуу жетекчилери, өзгөчө кесиптеши Фейсал бин Ферхан менен жолугушуусу күтүлүүдө.
Абдуллахиандын сапарында Иран менен Сауд Арабиянын эки тараптуу карым-катнаштары, аймактык жана глобалдык маселелер талкууланат.
Сапар менен бир убакта Ирандын Эр-Рияддагы элчиси болуп дайындалган Али Реза Энаяти Сауд Арабиядагы кызматына расмий түрдө киришет.
2016-жылдын 2-январында Сауд Арабияда 47 киши, анын ичинде шиит диниятчысы Нимр ан-Нимр "террорчулук" айыбы менен өлүм жазасына тартылгандан кийин эки өлкөнүн мамилеси үзүлгөн.
Иран менен Сауд Арабия 10-мартта 7 жылдык арадан кийин мамилелерин нормалдаштырууну чечип, элчиликтерин ачууну, эки өлкөнүн ортосундагы аба каттамдарын кайра баштоону жана визаларды жеңилдетүүнү макулдашкан.
