Судан армиясы Хартумдагы HDK жайгашкан Президенттик сарайга абадан чабуул койду
Коопсуздук булактарынан жана күбөлөрдөн алынган маалыматка караганда армия апрель айынан бери биринчи жолу согуштук учактар менен HDK күчтөрүнүн колунда турган Президенттик сарайындагы HDK позицияларын бомбалады.
Судан армиясы апрель айынын ортосунан бери согушуп жаткан Ыкчам колдоо күчтөрү (HDK) жайгашкан борбор шаар Хартумдагы Президенттик сарайга абадан чабуул койду.
Коопсуздук булактарынан жана күбөлөрдөн алынган маалыматка караганда армия апрель айынан бери биринчи жолу согуштук учактар менен HDK күчтөрүнүн колунда турган Президенттик сарайындагы HDK позицияларын бомбалады.
HDK Президенттик сарайынын жанындагы Башкы штабдын имаратын курчоого алганын жарыялады. Армия бронетранспорттук бөлүктөрдүн командачылыгынын жанында жайгашкан HDK күчтөрүн да абадан катуу бомбалоону ишке ашырды.
Хартум менен батыштагы Умдурман жана түндүктөгү Бахри шаарларында орун алган HDK пункттары да армиянын күчтүү артиллериялык атуусуна дуушар болду.
Судан армиясы ишемби күнү борбор калаанын түштүгүндөгү Зоотолгон бөлүктөрдүн командирлигинин айланасындагы HDK позицияларына жасаган операцияларында ондогон HDK мүчөсү каза болгонун жана 10 аскердик унаанын жок кылынганын жарыялады.
Бир канча убакыттан бери борбордогу стратегиялык пункттардын бири болгон Брондолгон бөлүктөрдүн командирлигинин айланасында эки күчтүн ортосунда айыгышкан кагылышуулар жүрүп жатат.
Бир тараптан Америка Кошмо Штаттары, Норвегия жана Англия Судандагы тараптарды жаңжалды токтоосуз токтотууга чакырды.
Армия менен HDKнын ортосунда 100 күндөн ашык убакыттан бери негизинен борбор калаанын айланасында жана өлкөнүн батышында уланган кагылышууларда 3000ден ашуун киши каза болуп, он миңдеген киши жарадар болуп, 4 миллионго жакын киши жер которгон.
