Орусияда учкучсуз учуучу аппараттардын чабуулуна бөгөт коюлду
Орусиянын Коргоо министрлиги билдирүү жасады.
![Орусияда учкучсуз учуучу аппараттардын чабуулуна бөгөт коюлду](http://cdn.trt.net.tr/images/xlarge/rectangle/2bfb/21f5/94be/64cb5a38b5d5e.jpg?time=1718928408)
Орусиянын борбор шаары Москванын батышындагы Калуга аймагына Украинанын учкучсуз аппараттар менен кол салуу аракетинин алдын алынганы жарыяланды.
Орусиянын Коргоо министрлигинин билдирүүсүндө, Украинанын 6 учкучсуз учуучу аппарат менен кол салуу аракетине байланыштуу: «Бүгүн түнү Киев режиминин Калуга аймагынын үстүнөн учкучсуз учуучу аппараттар менен террордук кол салуу аракетине бөгөт коюлду»,-деп айтылды.
Орус абадан коргонуу системаларынын 6 учкучсуз аппараттын баарын жок кылганы кабарланган билдирүүдө, бөгөттөлгөн кол салуунун натыйжасында жан жоготуу же зыяндын болбогону белгиленди.
24 жана 28-июлда Украина Москвага учкучсуз учактар менен чабуулдарды жасаганы, жабыркагандардын катталбаганы маалымдалган.
30-июль жана 1-августта Орусиянын Коргоо министрлиги Украина Москва облусуна пилотсуз учуучу аппараттар менен кол салууга аракет кылганын жарыялаган. Эки кол салууда тең учкучсуз аппарат Москва-Сити аймагындагы асман тиреген имаратты сүзүп, имаратка зыян келтирген.