Иран Эрбилге болгон ракеталык чабуулдары тууралуу маалымат бөлүштү

Иран Ирактын Эрбил шаарына ракеталык чабуул Иранда жасалган Фатих-110 баллистикалык ракеталары менен жасалганын жарыялады.

Аты-жөнү айтыла элек Tasnim агенттигине маалымат берген аткаминер түн ичинде болгон чабуул тууралуу маалымат берди.

Аткаминер ракеталык чабуул Ирандын өзүндө өндүрүлгөн кыска аралыкка учуучу Фатих-110 баллистикалык ракеталары менен өлкөнүн түндүк-батышынан болгонун айтты.

Аталган кол салуунун Израилдин Ирактан Иран күчтөрүнө карай кол салууларынан улам Ирак аймагындагы Израилдин базасына карай болгонун жактаган аткаминер, кол салууда жалпы 10 ракета колдонулганын белгиледи.

Ирактын Күрт Аймактык Башкаруусу (ИКАБ) Эрбилге Ирактын сыртынан 12 баллистикалык ракета менен кол салынганын жарыялады.

Кол салуунун «чыгыштан багытталганы» билдирилген маалыматта окуянын жергиликтүү убакыт боюнча саат 01.00дө болгондугу жана 12 баллистикалык ракетанын Эрбилдеги Америка консулдугун көздөй бир кварталды бутага алганы белгиленди.

Ирактын Эрбил шаарына ракеталык чабуулдар үчүн жоопкерчиликти Ирандын Төңкөрүшчүл гвардиясынын армиясы өзүнө алды.

Ал эми ИКАБ болсо Ирандын кол салууларын кайталаганын жана эл аралык коомчулуктун унчукпай калышы бул чабуулдарга жол ачарын билдирди.