Газадагы палестиналык топтор коомдук иш -чаралар улана турганын жарыялады
Палестиналык топтордун өкүлү Махмуд Халаф Газа шаарынын чыгыш чек арасына жакын жерде маалымат жыйын өткөрдү.
Газадагы палестиналык топтор, Израилдин Газа тилкесинде, Батыш Шериада жана Кудста оккупациясы бүтмөйүнчө коомдук иш -чаралар улана турганын жарыялады.
Палестиналык топтордун өкүлү Махмуд Халаф Газа шаарынын чыгыш чек арасына жакын жерде маалымат жыйын өткөрдү.
Халаф, басып алуучу күчтөр Кудстан жана Батыш Шериадан колун тартмайынча, Газадагы блокада жок кылынмайынча, региондогу кайрадан куруу иштери токтотулмайынча жана аймактын дүйнөгө ачылышына тоскоолдук жоюлмайынча, коомдук иш -аракеттер эч тартынбастан жана артка чегинбестен улана турганын баса белгиледи.
Бул иш -чараларга катышууга чакырган Халаф өз ишинин мүнөзү тууралуу маалымат берген жок.
Палестиналык топтордун Газа тилкесине киргизилген блокаданы кабыл албаганын баса белгилеген Халаф, эл аралык коомчулуктан жана ортомчулардан «Газадагы гуманитардык кризисти токтотуу үчүн аракет кылууну» суранды.
Бул аралыкта Газа тилкесиндеги палестиналыктар Израилдин «административдик камакка алууларына» каршы нааразылык демонстрациясын өткөрүштү.
Газа тилкесинин түндүгүндөгү Бейт Ханун (Эрез) чек ара дарбазасынын алдында, Хамас, Палестинаны Азат кылуу Элдик фронту жана Исламдык Жихад Кыймылы менен байланышкан укук коргоочу уюм тарабынан уюштурулган акцияда, административдик камакка алууну токтотуу боюнча чакырык жасалды.
Хамастын атынан сүйлөгөн мурунку туткун Халид Насир, Израилдин түрмөлөрүндөгү палестиналыктар административдик камоого жооп катары ачкачылык кармап жатканын айтты.
Эл аралык жана жергиликтүү адам укуктары уюмдарынан жана палестиналык топтордон палестиналык туткундар маселесине байланыштуу милдеттерин аткарууну суранган Насир, камактагылардын көйгөйлөрүн күн тартибине алып чыгуу зарылчылыгына көңүл бурду.
