ЮНИСЕФ Йеменде 19 баланын каза болгондугун ырастады
ЮНИСЕФ Йемендин түндүк чыгышындагы Ел - Жевф шаарында жасалган абадан кол салууларында 19 баланын каза болгондугун ырастады.
ЮНИСЕФ Йемендин түндүк чыгышындагы Ел - Жевф шаарында жасалган абадан кол салууларында 19 баланын каза болгондугун ырастады.
ЮНИСЕФтин Йемен өкүлү Сара Бейсолов Нианти берген жазуу түрүндөгү маалыматында : «Йеменде тынчтыктын кыйырда экендигин ойлоп жатканбыз. Бирок акыркы бир канча жуманын ичинде тынчсыздантуучу араздашуунун күчтөндүрүлүшү өлкөдөгү балдардын кагылышуулардын жүгүн алып жүргөндүгүн эске салды»,- деп билдирилди.
Нианти билдирүүсүндө : «Тилекке каршы Жевф шаарына карата акыркы кол салууда 19 баланын каза болгондугун жана 18 баланын жаралангандыгын ырастадык»,- деп маалымдалды.
Йемендеги Иран колдогон хусилер 15- февралда Сауд Арабиянын жол башчылыгындагы коалиция күчтөрүнө караштуу аскердик учактардын Ел –Жевф облусуна жасаган абадан кол салууларында 35 жарандын каза болгондугу, көп сандаган кишинин жаралангандыгын билдирген.
Эл аралык коом тарабынан кабыл алынбаган хуси башкаруусуна караштуу саламаттык сактоо министрлигинин катчысы Юсуф ел - Хадыри ошол эле күнү Ел - Месире каналына берген маалыматта эл түнү Жевф облусуна караштуу Ел - Маслуб районунда атып түшүрүлгөн аскердик учактын урандыларынын тегерегинде чогулган учурда коалиция күчтөрүнө таандык аскердик учактардын абадан кол салгандыгы белгиленген.
