АКШ Кудстагы дипломатиялык миссияларын бириктирүүдө
Баардык дипломатиялык иштери эми Кудстан жүргүзүлөт.
АКШнын Кудстагы Башкы консулдугу менен Кудска көчүрүлгөн АКШ элчилигинин бүгүн бириге турганы маалымдалды.
АКШнын Мамлекеттик департаментинин жазуу түрүндөгү билдирүүсүндө: «АКШнын Кудстагы Башкы консулдугу менен АКШнын Кудстагы элчилиги жалгыз дипломатиялык миссия боло тургандай түрдө 2019-жылдын 4-мартында биригет. Мамлекеттик катчы Помпеонун 2018-жылдын 18-октябрында эки миссия менен анын топторун бириктире турганы жөнүндөгү маалымдоосу боюнча ушундай кадам ташталды» деген сөздөргө орун берилди.
Баардык дипломатиялык иштердин эми Кудстан жүргүзүлө турганы айтылган билдирүүдө, Газа менен Батыш Шериадагы иштери болсо Кудстагы АКШ элчилигинин Палестина иштери боюнча бөлүмүнүн милдеттене турганы белгиленди.
Билдирүүдө аты аталган чечимдин толугу менен иштиктүүлүктү арттыруу үчүн чыгарылганы жана АКШнын Кудстун статусуна байланыштуу саясатынын өзгөрбөгөндүгү маалымдалды.
АКШнын президенти Дональд Трамп 2017-жылдын 6-декабрында Кудсту Израилдин баш калаасы деп тааныганын жана өлкөсүнүн Тель-Авивдеги элчилигин Кудска көчүрө турганын билдирген болчу.
Баардык каршы чыгууларга карабастан АКШ Тель-Авивдеги элчилигин азем менен Кудска көчүргөн.
Израиль аскерлери, АКШ элчилигинин Кудска көчүрүлүшүн жана Израилдин түптөлүшүнүн 70 жылдыгына каршы чыгуу үчүн Газа чек арасында өткөрүлгөн митингдерге катышкан 60 палестиналыкты шейит кылып, 2 миң 770тен ашуун палестиналыкты жаралаган болчу.
