Орусиянын президенти менен Армениянын убактылуу премьер - министри жолугушту

Орусиянын президенти В. Путин Армения менен коопсуздук жана экономикалык тармактарда кызматташууну арттырууну каалагандарын билдирди. Путин Армениянын убактылуу премьер  - министри Никола Пашинян менен борбор шаар Москвада өткөргөн жолугушуунун басма сөзгө ачык бөлүгүндө эки өлкөнүн карым  - катнаштарына баа берди. Орусия менен Армениянын терең союздаштык карым  - катнашта экендигин белгилеген Путин : «Орусия Армениянын эң чоң соода өнөктөшү. Эки тараптуу соодабыз өткөн жылы 30 пайызга өстү. Бул улантуубуз керек болгон аракет» ,- деди.

Путин Армения менен көп сандаган тармакта карым  - катнаштарды өнүктүрүүнү каалашкандарын белгилеп : «Экономика менен бирге коопсуздук тармакта да кызматташууну арттырууну каалайбыз. Орусия мунун ишке ашышы үчүн колунан келгенди аткарууга даяр»,- деди.

Пашинян болсо Орусияны эң көп зыярат кылган лидерлердин бири экендигин белгилеп : «Бул абал өлкөлөрүбүздүн арасындагы атайын стратегиялык өнөктөштүктү баса белгилеп жатат. Карым  - катнашыбызга байланыштуу бул кыймылдын улантыларына ишенем»,- деди.

Арменияда кыска убакыт мурда парламент шайлоолорунун болгондугун эске салган Пашинян : «Жаңы шайланган парламентибиз да карым  - катнаштарыбыздын өнүктүрүлүшүнө салым кошот»,- деди.