Украина жарандыгынан чыгарылган Грузиянын мурунку президенти Саакашвили Польшага жиберилди
Саакашвили кыска убакыт мурда «Жаңы күчтөр кыймылына» таандык офистин жанындагы бир ресторанда коопсуздук күчтөрү тарабынан камоого алынган.
Украина жарандыгынан чыгарылган Грузиянын мурунку президенти Саакашвили Польшага жиберилди. Украина мамлекеттик чек ара кызматтарынын катчысы Олег Слободян Украина жарандыгынан чыгарылган Грузиянын мурунку президенти Михаил Саакашвилинин Польшага жиберилгендигин билдирди. Слободян социалдык медиа эсебинен берген маалыматында мамлекеттик чек ара гвардияларынын мыйзам тышы жолдор менен Украинага киргендигин жана келген өлкөгө кайра кайтышы керектигине байланыштуу чечимди Саакашвилиге билдиргендигин айтты.
Саакашвили кыска убакыт мурда жүргүзүлгөн операция менен борбор шаар Киевдеги партиясы «Жаңы күчтөр кыймылына» таандык офистин жанындагы бир ресторанда коопсуздук күчтөрү тарабынан камоого алынган.
Львов райондук соту Украина жарандыгынан чыгарылгандан кийин өткөн жылы Польша аркылуу Украинага паспорт көрсөтпөстөн, жактоочуларынын да жардамы менен кирген Саакашвилинин бул кыймылынын мыйзам тышы экендигине чечим чыгарган. Саакашвилинин Украина мигранттар кызматына баш калкалоо кайрылуусу четке кагылган болчу. Чечимди сотко алып барган Саакашвилинин нааразычылыгын сот четке каккан.
