Орусиялык студенттер үчүн чектөөлөр жоюлду

Орусиялык студенттердин Түркияга келүүсүнө карата тыюу салуу жоюлду.

Орусиянын Билим берүү министрлигинин эл аралык бөлүмүнүн директору Николай Тойвонен Спутникке берген маегинде: «Көптөн бери студенттерибиздин Түркияга барышына карата айрым чектөөлөр бар эле. Бирок эми туристтер үчүн чартердик рейстерге уруксат берилди. Ушундан улам билим алуу үчүн да мындай чектөөлөр жоюлду»,-деди.

24-ноябрда чек арадан өтүп кеткен орус учагынын атып түшүрүлүшү менен башталган кризистен кийин орусиялык студенттердин билим алуу үчүн Түркияга келишине карата чектөөлөр киргизилген болчу.