პრეზიდენტი ერდოღანი ანკარაში გამართულ მიტინგზე სიტყვით გამოვიდა

პრეზიდენტმა რეჯეფ თაიფ ერდოღანმა განაცხადა, რომ როდესაც მშენებარე ხაზები და პროექტი დასრულდება, ანკარა გახდება თურქეთის ჩქაროსნული მატარებლის ცენტრი.

პრეზიდენტი ერდოღანი ანკარაში დედაქალაქის სახალხო ბაღში გამართულ მიტინგზე სიტყვით გამოვიდა.

მან განაცხადა, რომ ისინი 21 წელია მუშაობენ ანკარის გასალამაზებლად და რომ ქალაქში 605 მილიარდი ლირის სახელმწიფო ინვესტიცია განახორციელეს. ერდოღანმა თქვა, რომ ანკარა ჩქაროსნული მატარებლის ხაზებით ესქიშეჰირს, ბილეჯიქს, კონიას, საქარიას, ქოჯაელს და სტამბოლს დაუკავშირეს.

მან ასევე დასძინა, რომ ამ კვირაში ამოქმედდა ანკარა-ქირიქქალე-იოზგათი-სივასის ჩქაროსნული მატარებლის ხაზი და დაამატა: „ჩვენ მიზნად ვისახავთ ანკარა-იზმირის ჩქაროსნული მატარებლის ხაზის გახსნას 2025 წელს. როდესაც მშენებარე ხაზები და პროექტი დასრულდება, ანკარა გახდება მთელი თურქეთის ჩქაროსნული მატარებლის ცენტრი“.

პრეზიდენტმა განაცხადა, რომ ანკარა ასევე არის თავდაცვის ინდუსტრიის დედაქალაქი ბოლო 21 წლის განმავლობაში განხორციელებული ინვესტიციებით.