ევროკავშირმა რუსეთის წინააღმდეგ ინდივიდუალური სანქციების ვადა კიდევ ექვსი თვით გაახანგრძლივა

ევროკავშირმა რუსეთის წინააღმდეგ ინდივიდუალური სანქციების ვადა კიდევ ექვსი თვით გაახანგრძლივა.

ევროსაბჭოს წერილობით განცხადებაში აღნიშნულია, რომ უკრაინის ტერიტორიული მთლიანობის, სუვერენიტეტისა და დამოუკიდებლობის შელახვაზე პასუხისმგებელი პირების შემზღუდველი ზომების პერიოდი 2023 წლის 15 მარტამდე გაგრძელდა.

 ევროკავშირი მტკიცედ გმობს რუსეთის მხრიდან თავდასხმებს სამოქალაქო მოსახლეობაზე და სამოქალაქო ინფრასტრუქტურაზე და მოუწოდებს რუსეთს დაუყოვნებლივ და უპირობოდ გაიყვანოს საერთაშორისოდ აღიარებულ საზღვრებში ასებული მთელი თავისი ჯარი და სამხედრო ტექნიკა უკრაინის მთელი ტერიტორიიდან“. - ნათქვამია განცხადებაში.

ზომები, რომლებიც შეეხო სულ 1206 ფიზიკურ პირს და 108 ორგანიზაციას, მოიცავს ფიზიკური პირების მოგზაურობის შეზღუდვას, აქტივების გაყინვას და ჩამოთვლილ ფიზიკურ პირებსა და სუბიექტებზე სახსრების ან სხვა ეკონომიკური რესურსების გადაცემის აკრძალვას.

ევროკავშირმა რუსეთის წინააღმდეგ სანქციების დაწესების გადაწყვეტილება პირველად 2014 წელს, ყირიმის ანექსიის შემდეგ მიიღო.

რუსეთის ჯარებმა უკრაინაზე შეტევა 24 თებერვალს დაიწყეს.