ჩეხეთი უკრაინას საბრძოლო მასალას მიაწვდის

ჩეხეთის პრეზიდენტმა პეტრ პაველმა განაცხადა, რომ მისი ქვეყანა აპირებს უკრაინას მომავალ თვეში 180 ათასი საარტილერიო საბრძოლო მასალის მიწოდებას.

პაველმა გერმანულ ტელევიზია ARD-ესთან შეფასებები გააკეთა.

პაველმა განაცხადა, რომ პროგრესი მიღწეულია ჩეხეთის ინიციატივაში უკრაინისთვის საბრძოლო მასალის მისაწოდებლად და ეს უახლოეს თვეებში განხორციელდება.

„მე და ჩვენი პრემიერ-მინისტრი პეტრ ფიალა ვფიქრობთ, რომ პირველი გადაზიდვა დაახლოებით 180 ათასი (არტილერიის ჭურვი) ივნისში იქნება შესაძლებელი და სხვა კონტრაქტები გაფორმდება უფრო დიდი რაოდენობის მიწოდებაზე. დასავლეთის ქვეყნებმა მეტი სამხედრო მხარდაჭერა უნდა გაუწიონ უკრაინას და რუსეთზე ზეწოლა გაზარდონ ომის დასრულებისთვის. ასევე აუცილებელია უკრაინის ყოველმხრივ მხარდაჭერა, რათა ნათლად დავამტკიცოთ, რომ ომის გაგრძელებას აზრი არ აქვს და რომ რუსეთი ვერ მიაღწევს შემდგომ სამხედრო წარმატებას. სანამ რუსეთს აქვს წარმატების იმედი, მას არ ექნება საფუძველი, მონაწილეობა მიიღოს სამშვიდობო მოლაპარაკებებში“, განაცხადა პეტრ პაველმა.