ნიგერიაში ქოლერას ეპიდემია მძვინვარებს

ნიგერიაში ქოლერის ეპიდემიის შედეგად დაღუპულთა რიცხვი 91-მდე გაიზარდა. ნიგერიის დაავადებათა კონტროლის ცენტრის (NCDC) მიერ გავრცელებულ განცხადებაში აღნიშნულია, რომ 4-31 ივლისს ქვეყანაში დაავადებით 25 ადამიანი გარდაიცვალა, რითაც მიმდინარე წლის იანვრის თვიდან დღემდე დაღუპულთა რიცხვი 91-მდე გაიზარდა. მათივე ინფორმაციით, ეპიდემია დედაქალაქ აბუჯას ჩათვლით 31 პროვინციაშია გავრცელებული.

შეგახსენებთ, რომ  ნიგერიაში, სადაც არ არის ხელმისაწვდომი სუფთა წყალი და სამედიცინო ჩარევების შესაძლებლობა, ხშირად იჩენს თავს ქოლერის ეპიდემია.