კიევში მრავალსართულიან საცხოვრებელ ბინას რაკეტა მოხვდა

უკრაინის დედაქალაქ კიევში, სადაც რუსული არმია შესვლას ცდილობს, რუსებმა რაკეტა საცხოვრებელ კორპუსს ესროლეს.

რუს და უკრაინელ სამხედროებს შორის ინტენსიური შეტაკებები 3 დღეა გრძელდება.

შეტაკებები ინტენსიურად კიევის გარშემო მიმდინარეობს.

კიევის ლობანოვსკის უბანში, სადაც დროდადრო აფეთქებების და სირენების ხმა ისმის, მრავალსართულიან საცხოვრებელ ბინას რაკეტა მოხვდა.

უკრაინის შინაგან საქმეთა სამინისტროს განცხადებით, შემთხვევის შედეგად 2 ადამიანი დაიღუპა და 4 დაშავდა.

რუსეთმა უკრაინის წინააღმდეგ სამხედრო ოპერაცია 24 თებერვალს დაიწყო.