შარლ მიშელი თანამდებობას ტოვებს

ბელგიის პრემიერმინისტრმა შარლ მიშელმა გადადგომის გადაწყვეტილება მიიღო და ამის შესახებ, მან  განცხადება მეფე ფილიპეს უკვე წარუდგინა.  ამის  შესახებ შარლ მიშელმა პარლამენტში სიტყვით გამოსვლის დროს განაცხადა, რის შემდეგაც ქვეყნის უმაღლეს საკანონმდებლო ორგანოში სესია შეწყდა. ბელგიაში სამთავრობო კრიზისი დეკემბრის დასაწყისში მმართველ კოალიციაში მიგრაციის შესახებ გაეროს პაქტის ირგვლივ მწვავე უთანხმოების გამო დაიწყო. შეგახსენებთ, რომ იმ შემთხვევაში თუ ბელგიის მეფე შარლ მიშელის  გადადგომის შესახებ მოთხოვნას დააკმაყოფილებს, კანონის მიხედვით, ქვეყანაში  40 დღეში ვადამდელი საპარლამენტო არჩევნები უნდა გაიმართოს.