ობამა თავდაცვის სტრატეგიის გადასახედად არმიის უმაღლესი რანგის სარდლებს შეხვდა

აშშ-ს პრეზიდენტი ბარაკ ობამა თავდაცვის სტრატეგიის გადასახედად არმიის უმაღლესი რანგის სარდლებს შეხვდა.

ობამამ გაკეთებულ განცხადებაში აღნიშნა, რომ ტერორისტული ორგანიზაცია დეაშის დამარცხება მათი უპირველესი მიზანია. მისივე თქმით, სირიასა და ერაყში დეაშის წინააღმდეგ ბრძოლის გაძლიერებას ცდილობენ და კოალიციის ძალებმა სირიის ქალაქ რაკკასა და ერაყის ქალაქ მოსულს შორის, იმ რეგიონში სადაც ტერორგანიზაცია ძლიერია, მთავარი გზები გადაკეტეს.

ამერიკის პრეზიდენტის განცხადებით, ტერორგანიზაციის ლიდერთა კადრების ფინანსური ქსელისა და ინფრასტრუქტურის განადგურებას გააგრძელებენ და დაამატა, რომ დეაშს აუცილებლად დაამარცხებენ.