ამერიკაში რკინიგზაზე ავარიას 5 ადამიანი ემსხვერპლა

ამერიკის პენსილვანიის შტატის ქალაქ ფილადელფიაში მომხდარი სარკინიგზო ავარიის შედეგად პირველადი მონაცემებით, 5 ადამიანი დაიღუპა, 50 კი დაშავდა.

მატარებელში, რომელიც დედაქალაქ ვაშინგტონიდან ნიუ-იორკში მიემგზავრებოდა, 240 მგზავრი და 5 მემანქანე იმყოფებოდა.

10 ვაგონი სარკინიგზო ხაზიდან გადავარდა, რის გამოც მგზავრები ვაგონებს შორის მოყვნენ.

ავარიის ადგილზე მისულმა სამაშველო ჯგუფებმა დაშავებულები რეგიონის საავადმყოფოებში გადაიყვანეს.

ავარიის მიზეზის დასადგენად დაწყებულია გამოძიება.