„ბაირაქტარ TB2“-ის შესყიდვის მსურველთა რიცხვი იზრდება
„ბაირაქტარ TB2“-ის შესყიდვის მსურველთა რიცხვი იზრდება
თურქეთის მიერ ეროვნული შესაძლებლობებით დამზადებული, შეიარაღებული უპილოტო საფრენი აპარატების, (SİHA), „ბაირაქტარ TB2“-ის შესყიდვის მსურველ ქვეყნების რიცხვი იზრდება. ალბანეთმა, თურქეთთან სტრატეგიული პარტნიორობის პროექტის ფარგლებში, „ბაირაქტარ TB2“-ის ფლოტის შესყიდვასთან დაკავშირებით მემორანდუმი გააფორმა.
ალბანეთის ხელისუფლების განცხადების თანახმად, ტირანაში გამართულ ცერემონიას ესწრებოდნენ ალბანეთის პრემიერ-მინისტრი ედი რამა, თავდაცვის მინისტრი ნიკო პელეში, თურქეთის ელჩი ტირანაში თაიარ კაღანი და კომპანია Baykar-ის გენერალური მენეჯერი, ჰალუქ ბაირაქტარი. ხელმოწერის ცერემონიაზე სიტყვით გამოსვლისას პრემიერ-მინისტრმა რამამ მადლობა გადაუხადა პრეზიდენტ რეჯეფ თაიფ ერდოღანს პროცესის დასრულებაში შეტანილი წვლილისთვის. რამამ ასევე აღნიშნა, რომ ორ ქვეყანას შორის კარგი ურთიერთობა დღითიდღე უმჯობესდება. პრემიერ-მინისტრმა რამამ ისიც აღნიშნა, რომ ალბანეთში ჩასული პირველი 3 „ბაირაქტარ TB2“-ის (SİHA) უპილოტო საფრენი აპარატები მზად იქნებიან ნებისმიერი სიტუაციისთვის.
ხელმოწერის ცერემონიალზე კომპანია Baykar-ის გენერალურმა მენეჯერმა, ჰალუქ ბაირაქტარმა გამოთქვა სურვილი, რომ ეს ტექნოლოგია ორ ქვეყანას შორის ახალ ეპოქის დამწყები იქნება და ალბანეთის სუვერენიტეტში თავის წვლილს შეიტანს.
მსგავსი ინფორმაციები
არასაიმედო სურსათის გამო ყოველდღიურად მილიონზე მეტი ადამიანი ავადდება
არასაიმედო სურსათის გამო ყოველდღიურად მილიონზე მეტი ადამიანი ავადდება