ბრაზილიაში მძვინვარე წითელას ეპიდემიას 6 ადამიანი ემსხვერპლა

ბრაზილიაში მძვინვარე წითელას ეპიდემიას 6 ადამიანი ემსხვერპლა.

ბრაზილიის ჯანდაცვის სამინისტროში გაკეთებული განცხადების თანახმად, ქვეყანაში წლის დასაწყისიდან დღემდე წითელათი დაავადებულთა რიცხვი 1200-დე გაიზარდა.

აქვე ნათქვამია, რომ წითელათი დაავადების შემთხვევების უმრავლესობა ქვეყნის ვენესუელას საზღვარზე მდებარე რორაიმას და ამაზონასის შტატებში დაფიქსირდა.

ბრაზილიაში მიმდინარე თვეში დაავადებასთან ბრძოლის ფარგლებში ერთიდან ხუთ წლამდე ყველა ბავშვის ვაქცინაციისთვის  კამპანია დაიწყო.