بعدازبارش بارندگی شدید وجاری شدن سیل درمناطق مختلف تاجیکستان 13 نفر جان خود را از دست دادند.

کمیته شرایط اضطراری تاجیکستان اعلام کرد که بر اثر بارش شدید باران و جاری شدن سیل، شب گذشته در شهر وحدت و ناحیه رودکی در نزدیکی پایتخت این کشور 13 نفر از جمله 3 زن جان خود را از دست دادند.

به گزارش خبرگزاری رسمی تاجیکستان «خاور»، حادثه فوق به مالکیت شهروندان در مناطق اطراف شهر دوشنبه خسارات جدی وارد کرده است.

بر ین اساس، همچنین بعد از وقوع و جریان این سیل چندین باب مکتب و منازل شهروندان نیز آسیب دیده است.

امامعلی رحمان، رئیس جمهور تاجیکستان به خانواده های قربانیان این حادثه تسلیت گفت.

او به قاهر رسول‌‌زاده، نخست‌ وزیر تاجیکستان و کمیته شرایط اضطراری این کشور دستور داد تا به خانواده های قربانیان کمک کنند و اقدامات فوری را برای رفع پیامدهای بلایای طبیعی انجام دهند.