عراقده یوز بیرگن یامغیر و سیل حادثه لری طفیلی اوزون بیر کوپریک نینگ چوکیب کیتگن لیگی بیلدیریلدی

عراقده ایککی کوندن بیری دوام ایتیب تورگن یامغیر طفیلی یوزبیرگن سیل عاقبتیده اولکه نینگ اینگ اوزون کوپریگی بولمیش داکوک کوپریگی نینگ بیر قسمی چوکیب کیتگن.

کرکوک یول و کوپریک باشقرووی باشلیغی قاسم همزه کوچلی یامغیر طفیلی یوزبیرگن سیل عاقبتیده کرکوک – بغداد قتناو یولینی بیر بیری بیلن باغلاوچی داکوک کوپریگی نینگ بیر قسمی نینگ چوکیب کیتگن لیگینی ایتدی.

خوددی شو گذرگاهده انچه کوپریک بارلیگینی معلوم قیلگن همزه داکوک تومنیده جایلشگن و بیر کیلومتر اوزونلیگی بیلن اولکه مقیاسیده اینگ اوزون کوپریک بولگن داکوک کوپریگی نینگ جوده مهم بیر کوپریک ایکن لیگینی قید ایتدی.

همزه ایککی تامانلمه کوپریک نینگ 23 ته ایاق اوستیده قوریلگن لیگینی شونده ی بولیب ایککی کوندن بیری دوام ایتیب تورگن یامغیر طفیلی سوو سویه سی نینگ کوتریلیب کیتگن لیگینی عاقبتده کوپریک نینگ 5 ته ایاغی نینگ آستی نینگ چوکیب کیتگن لیگینی افاده ایتدی.   

همزه اوشبو چوکیش طفیلی آغیر یوک تشووچی واسطه لرنینگ اوتیشی نینگ توخته تیب قوییلگن لیگینی بیلدیردی.