ایران گه قرشی احتمالی اوروش بوییچه تیارگرلیک اوچون امریکا و اسرائیل حربی لری اورتاق تطبیقات باشلتدی

امریکا قوشمه ایالتلری دینگیز پیاده لری دن خاص بیر عسکری قطعه, ایران گه قرشی احتمالی بیر اوروش گه تیارگرلیک اوچون اسرائیل دینگیز کماندو لری بیلن مشترک حربی تطبیقات باشلتدی. 

اسرائیل نینگ چینل 12 تلویزیونی, امریکا قوشمه ایالتلری عسکری قطعه سی نینگ اسرائیل نینگ جنوبی ده گی ایلات شهریگه انتقال ایتتیریلگن لیگی نی بیلدیردی. 

خبرده, آلدین هم مشترک تطبیقات اوتکزگن امریکا- اسرائیل کوچ لری نینگ بیرینچی مرته "ایران نینگ امریکا نینگ منطقه ده گی بیر قونسگرلیگی یاکه بیر کیمه سی نی قولگه کیریتیش گه حرکت قیله دیگن لیگی" سناریوسی بیلن تطبیقات اوتکزیاتگن لیگی معلوم قیلیندی. 

امریکا قوشمه ایالتلری حربی لری نینگ تطبیقات آرتیدن کورفز منطقه سی گه یوباریله دیگن لیگی بیلدیریلدی. 

اوشبو تطبیقات بوییچه هدف نینگ تهران گه قرشی اوز کوچی نی کورسه تیب بیریش و اسرائیل بیلن امریکا قوشمه ایالتلری اورته سیده گی همکارلیک نی عکس ایتتیریش دن عبارت ایکن لیگی معلوم قیلیندی.