اسرائیل کوچلری ینه فلسطینلیکلرگه هجوم اویوشتیردی

اسرائیل پولیس کوچلری، اشغال آستیده گی بیت المقدس ده جایلشگن مسجد اقصی ده سیس بمبلری بیلن فلسطین یاشلرگه هجوم اویوشتیردی.

شرقی بیت المقدس نینگ ایسکی شهر منطقه سیده جایلشگن حرم شریفده قیلینگن خفتن و تراویح نمازلری نینگ آرتیدن فلسطین لیک یاشلر قبله مسجدی بیلن قبة الصّحرا اورته سیده ییغیلگنلر.

اسرائیل پولیس کوچلری تکبیر و شعارلر بیرگن یاشلرگه سیس بمبلری بیلن مداخله قیلگن.

فلسطینلیکلر ایسه تاش و هوا فیشینگی آ رقه لی جواب قیترگن.

اسرائیل پولیس کوچلری حرم شریف نینگ میدانیده فلسطینلیک کوچلرنی قوالب بارگن.

مسجد اقصی نینگ ایچیده جایلشگن ایسکی شهر منطقه سی نینگ شام ایشیگیده هم فلسطینلیک لرگه مداخله قیلگن.

شونده ی بولیب اسرائیل پولیس کوچلری بیرته فلسطینلیک یاش کیشینی قولگه آلگن.

فلسطین قیزیل آی باشقرمه سی تامانیدن بیریلگن یازمه بیاناتده اسرائیل پولیس کوچلری نینگ مسجد اقصی ده یوز بیرگن حادثه لرده یره لیلرگه مداخله ایتیش اوچون بارگن ساغلیقنی سقلش گروهی گه رخصت بیرمه گن لیگینی بیلدیردی.

کونلردن بیری آلیب باریلگن اسرائیل هجوملریده شهید سانی 35 گه ییترکن 200 دن آرتیق کیشی یره لندی.