فرانسه عسکر لری نی عراق دن چیقاردی

فرانسه نینگ, امریکا قوشمه ایالتلری ییتکچیلیگیده گی ترور تشکیلاتی داعش گه قرشی خلق ارا ائتلاف دایره سیده فعالیت آلیب باریاتگن عسکر لری نی عراق دن چیقارگن لیگی بیلدیریلدی.

عراق نینگ رسمی خبر آژانسی اینا تامانیدن بیریلگن خبر گه کوره, اولکه ده گی ناراضی چیلیک نمایش لری سببلی 29 نوامبر ده استعفا ایتگن باش وزیر و باش قوماندان عادل عبدالمهدی نینگ نظامی سوزچیسی عبدالکریم خلف, حکومت بیلن بولگن بیر کیلیشوو دایره سیده, داعش گه قرشی کوره ش ائتلافی چوکاتیده گی فرانسه لیک حربی لرنینگ عراق توپراق لری دن چیققن لیگی نی بیلدیرگن. 

سوزچی, فرانسه لیک عسکر لرنینگ نیمه اوچون عراق دن چیققن لیک لری نینگ جزئیاتی حقیده معلومات بیرمه دی. 

چک جمهوریتی مدافعه وزیرلیگی هم توناون بیرگن بیاناتیده, کونساین آرتیب باریاتگن کرونا ویروس تهدیدی و ائتلاف کوچ لری گه قره تیلگن هجوم لر سببلی عراق ده گی عسکر لری نی چیقارگن لیگی نی بیلدیرگن ایدی.