روسیه سفارتی گه ینه راکتی هجوم اویوشتیریلدی

روسیه نینگ سوریه پایتختی دمشق ده گی سفارتی گه قره ته ینه بیر مرته راکتی هجوم اویوشتیریلدی. 

روسیه تشقی ایش لر وزیرلیگی نینگ سوزلاوچی ماریا زاهارووه, روسیه نینگ دمشق ایلچی خانه سی نینگ هاوان بیلن اوریلگن لیگی نی بیلدیردی. 

زاهارووه,  دمشق ده قوراللی گروه لرنینگ کنترولی آستیده بولگن منطقه دن توشدن کیین کیلگن هاوان توپی مرمی سی نینگ ایلچی خانه نینگ قونسلی بولیمی گه کیلیب توشگن لیگی نی معلوم قیلدی. 

عینی دمده زهارووه اوشبو حادثه نینگ فقط گینه مادی خساره گه سبب بولگن لیگی نی ایسله تیب اوتدی. 

اوشبو هجوم نینگ افراطی گروه لرنینگ سوریه ده یره شوو (آتش بس) پروسه سی گه ضرر بیریش تشبثی دن عبارت ایکن لیگی نی بیلدیرگن زاهارووه, "روسیه نینگ دیپلمات لری گه قره تیلگن اوشبو هجوم لرنینگ قبول قیلینیشی ممکن ایمس" دییه قید ایتدی. 

روسیه تشقی ایش لر وزیرلیگی, توناوون هم, روسیه نینگ دمشق ایلچی خانه سی گه ایککی مراتبه راکتی هجوم اویوشتیریلگن لیگی نی بیلدیرگن ایدی.