یمن گه اویوشتیریلگن عملیات لر...

یمن گه اویوشتیریلگن عملیات لر...
خلق ارا ساغلیق نی سقلش گروهی، عربستان رهبریتی ده گی بیرلیک کوچلری تمانیدن یمن گه عملگه آشیریلگن عملیات لر نتیجه سیده 640 دن کوپراق کیشی نینگ اولگن لیگی نی معلوم قیلیب، یره لنگن لرنینگ 2 مینگ کیشی دن کوپ بولگن لیگی نی بیلدیردی.
خودی شو اوروشلرده 75 باله نینگ اولگن لیگی بیلدیریلماقده دیر. حوثی لر بیلن جمهور ریس هادی نینگ قوراللی کوچلری آره سیه گی ییر- هوا توقنه شووی نینگ دوام ایتیب تورگن لیگی معلوم قیلیندی. بیرلیک کوچلری حوثی لرنینگ اداره سیده بولگن باشکینت ده گی بعضی بیر ییرلرنی اورماقده دیر. عین دمده شبوا شهریده هادی طرفدارلری بیلن حوثی لر آره سیده توقنه شوو دوام ایتیب بارماقده دیر. بیرلیک کوچلری خودی شو شبوا شهریده جایلشگن ایسکی جمهور ریس علی عبدالله صالح نینگ قورال دیپو سینی اوگن لیگی معلوم قیلیندی.
بیرلشگن ملتلر یمن ده کیلیشوو عملگه آشیریلمه گن صورت ده یمن خلقی و اولکه سی نینگ یمان وضعیت ده دوچ کیلرلیگی نی معلوم قیلدی.
ایران تشقی ایشلر وزیری جواد ظریف:
خودی شو یمن مساله سی بیلن علاقه لی اوز تماسلریگه دوام ایتیب تورگن ایران تشقی ایشلر وزیری جواد ظریف عمان دن پاکستان گه اوتیب باردی. اسلام آبادده پاکستان باش وزیرلیگی ملی خوفسیزلیک و تشقی ایشلر مصلحتچی سی سرتاج عزیز بیلن اوچره شگن جواد ظریف یمن ده آتش کیس نینگ برقرارقیلیب، مساله نینگ سیاسی یوللر بیلن حل ایتیش کیره ک، دیدی.
سرتاج عزیز ایسه یمن ده گی اوروش نینگ صلح آمیز بیر شکلده حل بولیشی اوچون هربیر اولکه نینگ یاردم ایتیشی کیره ک دیر، دیدی.